Eden Hazard shumë shpejt mund të largohet nga Real Madrid, sepse sulmuesi belg nuk është përshtatur me filozofinë e lojës së Carlo Ancelotti.
Siç raportojnë mediat spanjolle, Hazard i ka minutat e numëruar te “Los Blankos”, dhe largimi i tij nga “Santiago Bernabeu” duket i pashmangshëm.
Sipas asaj që raportohet madrilenët i kanë vendosur edhe çmim sulmuesit belg, dhe skuadra që kërkon shërbimet e Hazard duhet të paguajë në arkat e klubit spanjoll 50 milion euro.
Një rikthim në Premier League për 30-vjeçarin është shumë i mundshëm, me skuadrën e sheikëve të Newscastle që është gati të shpenzojë milionat për të marrë shërbimet e sulmuesit belg.
“Laraskat” duhet të fitojnë garën edhe me skuadrat e tjera të Premier Leagues, me Chelsea dhe Manchester United që duan gjithashtu shërbimet e sulmuesit belg.
