Një ngjarje skandaloze ndodhi ditën e sotme, në Qafë-Mollë pranë Tiranës, ku një polic shtyu drejt greminës gazetaren Anila Hoxha dhe një operator, ndërsa po raportonin për gjetjen e trupit të pajetë të biznesmenit Ruzhdi Hoxha.
Pasi ngjarja u bë publike dhe mediatike, erdhi dhe reagimi i Policisë së Shtetit, ku me urdhër të Drejtorit të Përgjithshm, Gledis Nano, efektiviqë shtu gazetaren dhe opertorin u pezullua nga puna, ndërkohë që është urdhëruar që rasti të trajtohet në mënyrë administrative.
Drejtoria Vendore e Policisë Tiranë
Në lidhje me incidentin e ndodhur gjatë pasditen së sotme me disa gazetarë, në Qafë Mollë, Drejtori i Drejtorisë Vendore të Policisë Tiranë ka pezulluar menjëherë nga detyra punonjësin e policisë Sh.T.
Ndërkohë Drejtori i Përgjithshëm i Policisë së Shtetit Gledis Nano, ka urdhëruar Drejtorinë e Standarteve Profesionale në Policinë e Shtetit për nisjen e menjëhershëm të hetimit administrativ me qëllim sqarimin e rastit.
Policia e Shtetit i konsideron marrëdhëniet me median si prioritare në funksion të mirë-informimit të publikut dhe është e vendosur për të ndëshkuar çdo punonjës police që performon sjellje të pahijshme duke shpërdoruar detyrën në dëm të imazhit të Policisë së Shtetit dhe cënimit të marrëdhënieve me mediat e qytetarët.
