Katër muaj pasi u bë pjesë e PSG-së si futbollit i lirë, Sergio Ramos ende nuk ka debutuar me ekipin parisien.
Kjo situatë ka sjellë pakënqësi brenda klubit dhe drejtuesit nuk e përjashtojnë mundësinë që ta ndërpresin bashkëpunimin me mbrojtësin spanjoll.
Ramos ka pasur një dëmtim që e ka lënë jashtë fushe që nga 5 Maji dhe ende nuk ka arritur që të rikuperohet plotësisht.
Gazeta franceze “Le Parisien” shkruan se gjigandët parisienë po mendojnë që ta ndërpresin kontratën.
Por që kjo të ndodhë, duhet arritur një pakt me qendërmbrojtësin, i cili firmosi në verë deri në vitin 2023.
Te PSG-ja e kanë humbur besimin se Ramos do të mund të rigjejë formën optimale, për shkak se dëmtohet vazhdimisht.
Pa dëmtimit fillestar, ai pati probleme në pulpë. Përveç kësaj, ka shqetësime në gju për shkak të një dëmtimi. Ai ka kryer vetëm stërvitje bazike, ndërsa është larg programit normal të grupit.
Ramos paguhet në “Parc de Prince” 200 mijë paund në javë, edhe pse ende nuk ka luajtur asnjë sekondë.
