Antonio Konte dhe Totenhemi e kanë gjetur marrëveshjen. Mungon vetëm firma në kontratë. Drejtori i klubit Fabio Paratiçi nuk humbi kohë pas shkarkimit të trajnerit Nunjo Espirito Santo dhe nisi kontaktet me teknikun italian.
Sipas tabloditi anglez “The Sun”, drejtori i Totenhemit dhe Konte kanë një marrëdhënie shumë të mirë mes tyre, e trajneri e pranoi ofertën e bërë. Ai do të firmosë një kontratë 18 mujore dhe do të përfitojë 15 milionë Paund.
Jo vetëm kaq, por klubi anglez i ka premtuar 52-vjeçarit edhe një fond prej 150 milionë Paundësh që ai mund ta përdorë për të bërë përforcime.
Konte ishte shumë afër kalimit te “Spërsat’ në Verë, por më pas vendosi mos ta pranonte ofertën pasi nuk u bind shumë nga ambiciet e klubit.
Afrimi i tij mbështetet edhe nga tifozët, të cilët mendojnë se ish-trajneri i Çelsit është një ndër më të mirët në botë dhe do ta rikthejë ekipin te sukseset.
