Abissnet Superiore do të rikthehet të luhet sërish në fundjavë. Pas përfundimit të javës së 7-të, tashmë është zbuluar edhe axhenda e javës së 8-të e cila do të luhet pas ndeshjeve të Kupës që janë planifikuar për në mesjavë. 5 ndeshjet e Superligës janë planifikuar të luhen në 3 ditë dhe në orare të ndryshme.
Në javën e 8-të spikat derbi i kryeqytetit Tirana-Dinamo, që do të luajnë kështu aktin e dytë pasi të mërkurën të dyja ekipet do të përballen fillimisht në Kupë. Kjo ndeshje është planifikuar të luhet ditën e shtunë në orën 19:45. Po të shtunën do të luhet edhe sfida Skënderbeu-Kukësi që do të nisë në orën 16:45.
Dita e diel ka rezervuar dy ndeshje të rëndësishme me Partizanin që do të përballet me Kastriotin në orën 13:45, ndërsa po në këtë orë do të luhet edhe supersfida Laçi-Teuta. Java e 8-të e Superligës do të mbyllet ditën e hënë me ndeshjen Egnatia-Vllaznia që do të luhet në orën 13:45 në Rrogozhinë.
Java e 8-të e Abissnet Superiore
E shtunë:
Skënderbeu-Kukësi Ora 16:45
Tirana-Dinamo Ora 19:45
E diel:
Kastrioti-Partizani Ora 13:45
Laçi-Teuta Ora 13:45
E hënë:
Egnatia-Vllaznia Ora 13:45
