Një ngjarje e rëndë e dhunës në familje raportohet të ketë ndodhur së fundmi në Kamzë ku babai akuzohet se ka rrahur me thupër dhe ka kafshuar në pjesët intime të trupit vajzën 6-vjeçare.
Kujtojmë se vajza e dëmtuar përfundoi në spital më 28 tetor, ndërsa për autorin e dyshuar prokuroria ka kërkuar masën “arrest me burg”. Ndërkaq nëna e të miturës ka dhënë dëshmi kontradiktore për hetuesit.
Mësohet se Prokuroria e Tiranës ka kërkuar masën “arrest me burg” për një 27-vjeçar me banim në Kamëz, i cili akuzohet për dhunë çnjerëzore ndaj vajzës së tij 6-vjeçare.
Ndaj të dyshuarit me iniciale R.K, janë ngritur akuzat “keqtrajtim i të miturve” dhe “dhunë seksuale”, edhe pse Prokuroria konfirmon se ekspertimi nuk ka përfunduar ende për të konfirmuar nëse ndaj të miturës ka pasur apo ajo abuzim seksual.
Prokuroria e Tiranës mësohet se ka kërkuar ekspertim psiqik dhe analizat për përdorimin e mundshëm të drogës ndaj dy prindërve të 6-vjeçares.
Seanca për caktimin e masës së sigurisë ndaj babait të dyshuar për dhunë pritet të zhvillohet të martën në Gjykatën e Tiranës.
