Ish-mesfushori i Real Madrid, James Rodriguez vazhdon të prodhojë polemika. 30 vjeçari është bërë protagonist me një gjest të shëmtuar ndaj arbitrit.
Al Rajan, skuadër ku luan Rodriguez, humbi në transfertë me rezultatin 1-2 ndaj Al Arabi. Po ajo që bëri më shumë bujë ishte kartoni i kuq që mori kolumbiani. Mesfushori mori një karton të verdhë pas protestave ndaj arbitrit, edhe pse skuadra e tij kishte fituar një goditje dënimi.
Ky vendim e acaroi Rodriguezin, i cili shkoi i tërbuar që të sqarohej me arbitrin. U deshën disa shokë të ekipit që ta ndalonin, por arbitri i dha kartonin e dytë të verdhë.
James Rodriguez doli nga fusha duke hequr bluzën, por veprimi i tij ndaj arbitrit bëri xhiron e botës.
https://www.youtube.com/watch?v=Ux2qwmPr5iA
