Një gjykatë në SHBA ka urdhëruar që Eddie Bolden nga Chicago të paguhej me më shumë se 25 milionë dollarë, pasi kaloi 22 vjet në burg për një “krim” që nuk e kreu kurrë.
Eddie Bolden u dënua për dy vrasje të vitit 1994 për të cilat policia kishte pretenduar se një marrëveshje droge kishte shkuar keq, dhe nuk u lirua nga burgu deri në vitin 2016, megjithëse ai pretendonte me këmbëngulje pafajësinë e tij.
Kohën kur u krye krimi, policia duket se shpërfilli deklaratat e dëshmitarëve të cilët kanë thënë se ai ndodhej në lokalin përballë të cilit ndodhi vrasja.
Gjithashtu, dy detektivë policie u urdhëruan që t’i paguanin Bolden 100 mijë dollarë.
Krimi që nuk e kreu kurrë
Mediat amerikane shkruajnë se Irving Clayton dhe Derrick Fraser u vranë më 29 janar 1994 dhe veturës në të cilën ndodheshin iu vu zjarri. Disa dëshmitarë pohuan se Bolden ishte në një restorant peshku në kohën e të shtënave, sipas CBS Chicago. Por vëllai i njërit prej viktimave, i cili gjithashtu u plagos nga të shtënat, e identifikoi Bolden në stacionin e policisë si vrasës.
Më në fund për të u bë drejtësi, edhe pse paratë nuk mund t’i blejnë vitet e burgut.
