Biznesmeni i njohur Vangjel Pella i cili është arrestuar për vjedhjen e 50 mijë eurove më 3 korrik të këtij viti në banesën e biznesmenit Lorenc Poka ne Ksamil vazhdon të jetë në burg.
Mësohet se Pella ka kërkuar të dalë nga qelia dhe të marrë një masë të lehtë sigurie pasi është i diagnostikuar me sëmundje kardiake. Nga kartela mjekësore rezulton se ka nevojë për mjekim të vazhdueshëm nën kujdesin e mjekut specialist dhe familjes; në kushte të tilla vlerësohet se masa më e përshtatshme është “detyrimi për tu paraqitur në policinë gjyqësore” parashikuar nga neni 234 i K. Pr. Penale”.
Por prokurori Ilir Hoxha dhe gjyqtari Fatmir Ndreu nuk e panë të arsyeshme që të ndryshonin masën e sigurisë për Pellën pavarësisht provave që avokati i tij dispononte.
Kujtojmë se Vangjel Pella është pronar i hotelit “Marinela” në Ksamil dhe më parë ka qenë i dënuar për pedofili.
