Ndodh edhe kështu: të shkarkon një gol i djalit tënd nga puna si trajner. Të martën skuadra Atletik Karpi ka njoftuar shkarkimin nga puna të Masimo Bagatit, pas barazimit 1-1 të dielën kundër Progresos në Serinë B.
Ai që shënoi golin vendimtar, në fakt, ishte Nikolo Bagati, djali i trajnerit kundërshtar të Karpit. Ai luan si mesfushor, por duke parë emergjencën në të cilën ndodhej skuadra e tij, u aktivizua pikërisht në atë ndeshje si sulmues.
“E pashë tim bir që pas ndeshjes ishte ulur në stolin e dhomave të zhveshjes dhe po qante me lot. U afrova dhe ia shpjegova se nuk kishte përse mërzitej, sepse ai bëri detyrën si një profesionist, pavarësisht se është im bir”, deklaroi pas shkarkimit trajneri Bagati.
