Replika këtë të Enjte në Kuvend mes deputetes demokrate Albana Vokshi dhe ministres së Infrastrukturës e Energjisë Belinda Balluku.
Vokshi tha se një pjesë e banorëve, pronat e të cilëve që preken nga Unaza e Madhe janë nën terror nga policia. Ajo bëri apel që banorët të informohen për projektin që e cilësoi korruptiv dhe u shpreh se legalizimet në zonë po bëhen në mënyrë arbitrare. Banorët denoncojnë për devijim të projektit, shtoi Vokshi.
Në përgjigje, Balluku tha se projekti do të mundësojë që Tiranë të përshkruhet për 20 minuta.
Në replikë, Vokshi tha se për trafikun në Tiranë, “duhet të keni turp që flisni”. “E keni bërë Tiranën ferr për banorët”, u shpreh ajo.
