Një 40-vjeçar ka rënë në ujërat e ftohta të një rezervuari që kishte ngrirë në Fier dhe është zhdukur pa gjurmë.
Ngjarja ka ndodhur në Petrovë, ku një 40-vjeçar ka tentuar që të kalojë rezervuarin e ngrirë, por është thyer akulli dhe ai ka rënë brenda.
Viktima është Hajredin Xhelo, babai i dy fëmijëve adoleshentë. Një banore e kësaj zone bën me dije për “JOQ” se prej më shumë se 3 orë Xhelo është mbytur në Liqen dhe ndodhet ende brenda tij, në vendin e ngjarjes ka mbërritur ambulanca dhe policia, por jo polumbarët.
“Jam një vajzë që banoj në fshatin Petov të qytetit Fier. Në liqen ka rreth 3 orë që është mbytur një burrë dhe ndodhet akoma brenda, ca po ndodh kështu, liqeni kishte ngrirë dhe ky kaloi sipër tij, ai ndodhet akoma brenda liqenit. Polumbaret akoma nuk kane ardhur dhe personi po ben gati 3 ore brenda i ngrire”, raporton banorja nga vendi i ngjarjes.
Njoftimi i policisë:
“Më datën 11.01.2017, ora 13:20, në liqenin e fshatit Petovë, Fier, shtetasi Xh, rreth 40 vjeç, bari në fshatin Petovë, duke provuar të qëndroi sipër akullit të liqenit, është thyer akulli dhe është fundosur. Për pasojë ka gjetur vdekjen. Në vendgjarje ka shkuar grupi hetimor dhe po punon për zbardhjen e ngjarjes”.
