Policia e Brindizit ka sekuestruar sot 200 kg marijuanë dhe ka vënë në pranga 2 shtetas shqiptarë.
Sipas mediave italiane, lënda narkotike u gjet në një shtëpi në periferi të qytetit të Brindizit, në lagjen Giancola, jo shumë larg nga bregdeti. Mësohet se në pranga ranë Marjol Tuni, 25 vjeç dhe Neritan Lamaj, 32 vjeç.
Ata u prangosën në flagrancë në oborrin e ndërtesës së pabanuar, ndërsa droga ishte fshehur në disa çanta. Sakaq, policia vijon hetimet për dokumentimin e plotë të kësaj ngjarje.
Ndërkohë vetëm pak orë më parë, në një tjetër operacion nga policia në plazhin e San Foca (rreth njëzet kilometra nga Lecce), u gjetën 700 kilogramë marijuanë në një mjet lundrimi që ishte përdorur nga kontrabandistët shqiptarë, që kishin kaluar nga Shqipëria përmes Adriatikut në Itali.
