Qeveria ka vendosur në dispozicion një fond prej 10 miliard lekësh për “për të mbrojtur fashën e abonentëve familjarë dhe biznesit të vogël”. Ministrja e Energjisë dhe Infrastrukturës Belinda Balluku tha pas mbledhjes së qeverisë se kjo se ka mungesë të sasive energjike në treg duke theksuar se po synohet sigurimi i këtyre sasive.
“Ministria e Energjisë dhe Infrastrukturës ka pasur disa ndryshime të ndara në dy grupe, ato të energjisë dhe ato të infrastrukturës. Sot është marrë vendimi për ofrimin e garancisë sovrane për të vënë në dispozicion të sektorit të energjisë 10 miliardë lekë të cilat do të na krijojnë kushtet për të mbrojtur të gjithë fashën e n familjarë dhe ata të biznesit të vogël. Duhet të kemi parasysh që çmimet e larta globalisht sot janë një problem i madh. Na shqetëson mungesa e sasive energjetike në treg. Ajo që po bëjmë përmes akteve ligjore është krijimi i një mundësie për të siguruar këto sasi”, tha ministrja.
Balluku bëri me dije gjithashtu se 2 projekt vendime që kaluan sot janë shpronësimet që i hapin rrugë ndërtimit të dy linjave, asaj 110 kilovolt dhe asaj 220. Që të dyja linjat janë të rëndësishme dhe konsiderohen investime kritike, sipas ministres.
