Policia e Sarandës ka mundur të gjejë armën e zjarrit me të cilën grabitësit nën ushtrimin e dhunës dhe kërcënimit mundën t’i merrnin një shumë prej rreth 20 milionë lekësh të vjetra noterit Thoma Kaçi.
Ngjarja ndodhi më 20 Tetor, ku dy persona të paidentifikuar ende nga policia dhe të maskuar, nën kërcënimin e armës dhe dhunës, vodhën shumën e parave në banesën e noterit.
Arma e zjarrit është dërguar për ekzaminime të mëtejshme laboratorike në Institutin e Policisë Shkencore Tiranë, me qëllim identifikimin me prova shkencore të dy autorëve të ngjarjes.
