Ndryshime në formacionin e Partizanit në orët e fundit para derbit me Tiranën. “Panorama Sport” zbulon se mesfushori vlonjat, Arinaldo Rrapaj, ia ka dalë të riaftësohet pas dëmtimit që pësoi të shtunën në stërvitje.
Lojtari që preferohet shumë nga Daja do të nisë nga minuta e parë në derbi, ndërsa konfirmohet rikthimit si titullar i Valentino Muratajt, i cili do të zërë vendin e Ergys Kaçes së dëmtuar.
Në krahasim me ndeshjen e fundit ndaj Kukësit, përveç Muratajt titullar, ndryshimi tjetër është në repartin e sulmit, atje ku si partner i Stenio Zhuniorit do të jetë kroati Andrija Filipoviç. Mungesa të sigurta prej dëmtimeve në fazën ofensive janë Lukas Kardozo dhe Tedi Cara, por me këtë të fundit që mund të jetë në stol dhe ndoshta sakrifikohet pak minuta.
