Aktori i njohur i serialit “Friends”, Michael Tyler, ka ndërruar jetë në moshën 59-vjeçare në shtëpinë e tij në Los Anxhelos pas një beteje me kancerin e prostates, i cili kishte arritur fazën 4.
Ai u diagnostikua për herë të parë me kancer në vitin 2018 dhe e mbajti sëmundjen e tij private për 3 vjet deri kur iu nënshtrua kimioterapisë. Gjendja e tij u përkeqësua gjatë periudhës së pandemisë, pasi nuk kishte mundur që të kryente të gjitha testet e nevojshme, duke bërë kështu që sëmundja t’i përhapej edhe në kocka.
James u bë i njohur si “miku” i shtatë i serialit. Ai ishte bërë pjesë e kastit fillimisht vetëm si figurant, por mori rolin e ri vetëm sepse dinte që të përdorte makinerinë e kafesë. Gjatë serialit, ai ka një interes për Rachel (Jennifer Aniston), por dashuria është vetëm nga ana e tij.
