Kryetari i Partisë Demokratike, Lulzim Basha ka konfirmuar qëndrimin e tij se Kuvendi Kombetar i PD-së s’do të mblidhet, ndryshe nga sa kërkon ish-kryeministri Sali Berisha.
Një ditë më parë nga “Foltorja” e Beratit, Berisha paralajmëri se javën e ardhshme, do të lajmërohet data e mbledhjes së Kuvendit të PD-së lidhur me vendimin e Bashës që e përjashtoi atë nga grupi parlamentar demokrat.
Kë të Shtunë, në një konferencë për mediat, Basha ripërsëriti qëndrimin e tij se “Kuvend Kombëtar që të marrë në shqyrtim vendimet e qeverisë amerikane s’ka për të pasur sa të jem unë kryetar”.
“Qëllimi im është të përfundoj mandatin 4-vjecar duke rrëzuar regjimin e Edi Ramës. Njeriu që bërtet ‘statuti, statusti’, i jep vetes komptenca që si ka dhe s’mund ti ketë në statut. Berisha s’ka ndonjë mbifuqi për të thirrur asnjë institucion të partisë. Si mblidhen instiucionet janë të qarta, Berisha mund të thërrasë institucione paralele në përpjekje për ta bërë partinë bunker për interesa personale, por demokratët dhe shqiptarët kanë halle të tjera”, u shpreh Basha.
“Institucione paralele dhe bunker s’thërras dot se s’ma lejon statuti. Kush ka cështje për diskutim ti drejtohet institucioneve të partisë dhe jo bunkierit”, tha më tej kreu i PD-së.
Basha u shpreh po ashtu se mbështetja ndaj tij e demokratëve, është rritur nga 95 në 97 përqind.
Ai shtoi se “Sali Berishës nuk i ka hyrë në hak”.
“Unë jam vetëm peng i Zotit dhe i askujt tjetër. Zotit i kam hyrë në hak por sali Berishës jo. jam ulur shumë herë me Sali Berishën për një zgjidhje që e ndihmonte atë dhe nuk dëmtonte Partinë Demokratike. Kur vendimin se betejën do ta bënte vetëm nuk e konkretizoi me vepra atëherë unë kam marrë vendimin që ishte në radhë të parë në interes të PD por mbi të gjitha në interes të Shqipërisë. Një person që ka marrë një parti peng vetëm për interesa personale. Para 2 muajsh nuk kishte asnjë problem me mua tani unë jam i keqi. Çfarë ka ndryshuar nga zgjedhjet e kaluara që ne patëm në parti përveç interesit personal të një individi që përpiqet të tërheqë një parti të tërë në greminë. Unë nuk i jam përgjigjur sepse nuk është stili im, rruga ime, por mbi të gjitha nuk i shërben vendit”, u shpreh Basha.
I pyetur për deklaratat e Berishës se është i gatshëm të marrë drejtimin e PD-së nëse e kërkon baza, Basha u përgjigj: “Kryetari i PD është zgjedhur sipas statutit, armiku është regjimi i Edi Ramës. shpresa e vetme për tu përballur është PD dhe s’kam ndërmend të harxhoj kohë të merrem me tollovi për të përccarë pd-në që i shërben vetëm Edi Ramës”.
Lexo edhe:
