Mbretëresha Elizabeta raportohet se ka shfaqur probleme me shëndetin. BBC, duke cituar pallatin mbretëror , shkruan se ajo e ka kaluar mbrëmjen e të mërkurës në spital, ku ka kryer disa kontrolle mjekësore.
Ajo është kthyer në pallatin mbretëror mesditën e Enjte, në gjendje të stabilizuar. Në një deklaratë të Enjten mbrëma, pallati mbretëror njoftoi: “Pas këshillave mjekësore për të pushuar për disa ditë, mbretëresha u dërgua në spital të Mërkurën pasdite për disa kontrolle mjekësore, për t’u kthyer në Kështjellën Windsor në drekë sot dhe është në gjendje të mirë shëndetësore”.
Mbretëresha raportohet se anuloi edhe vizitën për në Irlandën e Veriut pas këshillës së mjekëve.
