Një sulm me armë ka ndodhur para ndërtesës së Drejtorisë së policisë në Gaziantep të Turqisë. Një
kamikaz që do të hidhte veten në erë në stacionin e policisë është vrarë gjatë një shkëmbimi zjarri me
Policinë turke.
Ai u neutralizua teksa po përpiqej të hynte në stacionin policor. CNN turk shkruan se ishin disa terroristë, por njëri prej tyre që kishte bombë në trup, mbeti i vrarë.
Në vendin e ngjarjes u dërguan menjëherë përforcime, në mesin e të cilëve edhe ekipe të forcave të ndërhyrjes së shpejtë, si dhe punonjës të shëndetësisë. Në zonë vazhdon operacioni për kapjen e terroristit apo të terroristëve të tjerë, që arritën të arratisen nga vendi i ngjarjes.
