Ministrja e Shëndetësisë Ogerta Manastirliu ka folur nga Shkodra lidhur me vaksinimin e fëmijëve dhe dozën e tretë të vaksinës anti-Covid, ndërsa më parë ka qenë Komiteti i Vaksnimit që ka bërë propozimet.
Manastirliu tha se vendimet do të merren nga Komiteti Teknik i Ekspertëve, pas propozimit për aplikimin e dozës së 3-të, apo siç njihet ndryshe booster, për kategori të caktuara.
“Komiteti i Vaksinimit ka rekomanduar gjithashtu edhe uljen e fashës të grupmoshës për vaksinim, plus 16 vjeç dhe kanë diskutuar gjithashtu dhe kanë rekomanduar edhe vaksinimin plus 12 vjeç, por vetëm për ata fëmijë që kanë problematika shëndetësore.
Këto rekomandime të cilat kanë dalë nga Komiteti Teknik i Vaksinimit do të diskutohen ditën e nesërme dhe do të ketë një vendim të Komitetit Teknik të Ekspertëve për përgjigjen ndaj COVID-19 dhe do të kemi dhe një njoftim dhe për vendimet që do të marrë ky Komitet”, deklaroi Manastirliu.
