Michael Jackson vdiq në mënyrë tragjike rreth një dekadë më parë në moshën 50-vjeçare për shkak të një arresti kardiak në Los Angeles. Kjo erdhi nga një mbidozë e propofolit, një ilaç që ylli i muzikës merrte për të luftuar pagjumësinë.
Edhe pse ka kaluar kaq shumë kohë nga vdekja e tij, çdo gjë që ai kishte ka një vlerë të jashtëzakonshme.
Sipas mediave të huaja, pasaporta e humbur e artistit të ndjerë ka dalë në shitje për 75 mijë dollarë. Mbreti i pop-it e humbi dokumentin në fillim të viteve ’90 dhe duhej të plotësonte një kërkesë për zëvendësim. Pasaporta është në një gjendje të mirë, e plotësuar me të gjitha informatat personale, të cilat janë lehtësisht të lexueshme dhe katër fotografi të tij.
