Janë mbyllur 9 sfidat e luajtura drekën e sotme për Kategorinë e Dytë për të dyja grupet.
Në Grupin A, Elbasani ka ngecur në një barazim 1-1 me Orikun duke iu falur golit të Shukle në minutën e 78’ që shmangi humbjen për elbasanasit. Elbasani tani renditet në vendin e 5-të në kuotën e 7 pikëve, ndërsa Grupin A e udhëheq Shënkolli me 10 pikë. Pikërisht këta të fundit mposhtën pastër 2-0 Veleçikun për të marrë kryesimin e kampionatit. Në sfidën tjetër, Iliria barazoi pa gola me Luzin.
Në Grupin B, Luftëtari u befasua nga Sopoti duke u mundur 2-1 në transfertë. Gjirokastritët renditen në vendin e 7-të me vetëm 5 pikë të grumbulluara në 4 ndeshje. Në sfidat e tjera, Flamurtari shkatërroi 6-0 Përmetin, Gramozi u mposht 0-1 në shtëpi nga Devolli, Këlcyra triumfoi 2-0 me Tepelenën, Labëria barazoi 2-2 me Naftëtarin, ndërsa Memaliaj dhe Albpetroli barazuan pa gola 0-0.
REZULTATET
GRUPI A
Shënkolli-Veleçiku 3-0
Elbasani-Oriku 1-1
Iliria-Luzi 0-0
GRUPI B
Memaliaj-Albpetrol 0-0
Labëria-Naftëtari 2-2
Këlcyra-Tepelena 2-0
Gramozi-Devolli 0-1
Sopoti-Luftëtari 2-1
Flamurtari-Përmeti 6-0
