Këto janë pamjet e zjarrit që ra në banesën e familjes Osmënaj në zonën e Astirit në Tiranë sot rreth orës 5:55 të mëngjesit.
Në një video amatore të filmuar nga banorë të zonës, duket zjarri që ka rënë brenda banesës. Flakët kanë dalë deri jashtë ballkonit, ndërsa brenda apartamentit u shkatërruar gjithçka.
Për t’i shpëtuar zjarrit, nënë e bir që ndodheshin në shtëpi u hodhën nga lartësia duke mbetur të lënduar. Për fat të keq, 62-vjeçarja Hava Osmënaj ndërroi jetë në spital, ndërsa djali i saj Klodjan Osmënaj 36 vjeç ka mbetur i plagosur.
Shkaku i zjarrit nuk dihet akoma, por hetuesit nuk përjashtojnë as pistën e zjarrvënies nga ana e djalit, pasi ky i fundit sipas dëshmive të fiqnjëve, vuan nga probleme të shëndetit mendor.
