Një grua nga Irlanda është vënë nën hetim nga autoritetet policore në Fier. Shkak është bërë denoncimi i një qytetari i cili thotë ka porositur online një makinë në kompaninë e 44-vjeçares, por automjeti nuk i erdhi kurrë, ndonëse pagesën e kishte bërë.
“Nga specialistët e Seksionit për Hetimin e Krimit Ekonomik në DVP Fier u referuan materialet në Prokurori për shtetasen irlandeze H. B., 44 vjeçe, pasi nuk i ka dërguar automjetin tip “Volvo” , të cilin shtetasi K. S e ka porositur nga interneti në kompaninë që administrohej nga kjo shtetase dhe ka bërë pagesën nëpërmjet bankës”, bëri me dije policia në një njoftim për rastin.
