Ish-deputeti i PD-së Klevis Balliu, i ftuar në emisionin “Çim Peka Live” në Syri Tv, foli për zhvillimet në Partinë Demokratike.
Balliu thekson se Basha është tallur me demokratët, duke shtuar se e ka kthyer PD-në si pronë private.
“Basha është tallur me demokratët. Ka thënë Basha se i kam duart e lidhura dhe nuk kam mundësi zgjedhje, e tha vetë. Po i pate duart e lidhura, atëherë je peng. Ne kemi një njeri që ka marrë vendim. Me këtë vendim, Basha e ka forcuar PD-në apo jo.
Basha flet për llum, kur Bashkinë e Tiranës dhe shumë ministri i ka pasur vetë. Për cilin llum e ka fjalën? Jo “llum” e jo “antiamerikanë”, nuk shkojnë këto. Çohet kryetari e thotë nuk mbledh Kuvendin unë, kush je ti, e ke pronë private ti atë?”, u shpreh Balliu.
