Adrian Çela, administrator i OSHEE, ndërsa ishte i ftuar në Open, në To Channel, deklaroi se ka një krizë botërore dhe se nuk komenton aspak deklaratat e Bashës që tha se do të çojë në SPAK çështjen e korrupsionit në shitblerjen e energjisë elektrike.
“Ne po shohim në krizë këto ditë Libanin pas Kinës. Po dëgjojmë përralla se gjasme Shqipëria prodhon. Ne prodhojmë hidro, por kjo nuk do të thotë se nuk importojmë. Ne kemi një ciklë prodhimi. Kaskada nuk të garanton gjashtëmujorin e dytë në prodhim. Importojmë në periudha të ndryshme. Periudha e vjeshtës deri në nisjen e reshjes, nëse ka, ne importojmë.
Po të shohim sasitë e importit këtë vit deri në 31 dhjetor ne do të jemi 1.3 milion megavat. Ne nuk do të prekim tarifën e biznesit të vogël dhe familjërave që është o.4. Që në 2015 është bërë në mënyrë graduale liberalizimi i tregut.Në treg të lirë kanë dalë disa subjekte. Familjarët dhe biznesi i vogël qeveria do të rregullojë tarifën.”
Si e faktojmë në krizën globale?
Ne po flasim sot që kërkesa është më e madhe sesa oferta. Kur kërkesa e tregut është më e lartë se oferta ka krizë. Sot u hap ankandi për blerjene energjisë elektrike për javë. Të gjithë subjektet pjesmarrëse marrin pjesë në kohë reale dhe aty marrin përgjigjen në kohë reale. Ne sot nuk arritëm të plotësonim sasitë e nevojshme.
