Stresi është në kërkim prej tre ditësh nga policia por nëpërmjet rrjeteve sociale këngëtari i ka dërguar një mesazh ministrit të Brendshëm, Saimir Tahiri.
Në letrën e tij Stresi shkruan se është kundër draftit të propozuar nga ministri, ku këngëtarët nuk duhet të përdorin armë në klipet e tyre.
Këngëtari është shpallur në kërkim sepse natën e ndërrimit të viteve ka marrë armën e zjarrit e të atit, të tipit “Shotgun” dhe ka qëlluar në ajër.
Ky moment është filmuar dhe më pas video është postuar në rrjetet sociale. Nga këtu e ka parë policia, e cila ka nisur kërkimet për të dhe për një tjetër të ri me inicialet E.L.
Herën e parë Arkimed Lusha u procedua penalisht, pasi në janar të vitit 2015 u arratis nga ambientet e komisarit nr. 3 në Tiranë, pasi ishte ndaluar për drejtim mjeti nën efektin e pijeve alkoolike dhe kishte kundërshtuar punonjësit e policisë.
“Leter Ministrit Tone Intelektual: Deklaruat se asnje nga kengetaret sduhet te publikojne klipe me arme apo cfare do… jo zoti minister e ke be kete ligj sipas qefit tend dhe sipas egos tende, qe te miratohet ky ligj dhe ti e di fort mire qe duhet te jet vendim qeverie dhe duhet ta propozosh ne parlament dhe parlamenti e vendos por ky ndryshim vendoset vetem nga deputetet …. kshtuqe te gjithe mediat gazetaret te shohin shkeljet qe ben ministri jon … Si minister zoti Tahiri mund te besh udhezimet por jo se te teket ty dhe na hap probleme neve . Un do mbrohem ne gjykate dhe drejtesia do me mbroje sepse jam super i paster … Nuk Mund te me denoje nje individ . Me Rrespekt Arkimed Lushaj Stresi”, shkruan ai.
