Një i ri ka mbetur i plagosur me armë zjarri në Shkodër. Isak Mehmedaj po merr mjekim në spitalin rajonal dhe raportohet se ndodhet jashtë rrezikut për jetën.
“Rreth orës 08:45, në Spitalin Rajonal Shkodër, ka shkuar për ndihmë mjekësore shtetasi I.M, 24 vjeç, banues në fshatin Mushan-Shkodër. Dyshohet i plagosur me armë zjarri në rrethana ende të paqarta dhe ndodhet jashtë rrezikut për jetën. Shërbimet e Policisë dhe grupi hetimor me marrjen e njoftimit janë nisur menjëherë në drejtim të vendngjarjes”, njoftoi policia.
