Përmes një postimi në faqen zyrtare, Ambasada Amerikane njoftoi se duke filluar nga data 6 tetor, nisin aplikimet për Lotarinë Amerikane.
Të interesuarit mund të aplikojnë duke filluar nga data 6 ora 12:00 deri të martën e 9 nëntorit në orën 12:00.
“Regjistrimi elektronik për lotarinë DV-2023 do të rifillojë të mërkurën, më 6 tetor 2021 në mesditë 12:00, Ora Ditore Lindore (EDT) (GMT-4) dhe do të mbyllet të martën, më 9 nëntor 2021, në mesditë 12:00 Ora Standarde Lindore (EST)(GMT-5)”. – shkruhet në njoftim.
Ambasada njofton të gjithë aplikuesit të tregojnë kujdes gjatë plotësimit të formularit.
Në aplikim, këshillohet të përfshihet emri i bashkëshortit si dhe i fëmijëve nën moshën 21 vjeçare. Kjo, është e vlefshme edhe për rastin kur familjarët e tjerë nuk do të udhëtojnë me personin e shpallur fitues. Aplikimi online për regjistrimin për lotarinë është i thjeshtë dhe është falas. Për të aplikuar mund të klikoni këtu.
