Një mësuese 30-vjeçare në Greqi ka ndezur debatin në opinionin publik lidhur me vaksinimin. Pasi bëri vaksinën “Pfizer”, raportohet se ajo pësoi atak kardiak dhe u shtrua me urgjencë në spital. Përmes një videoje të postuar në rrjetet sociale, teksa ndodhet e shtrirë në spital për të marrë mjekimin, ajo thekson se nuk ka pasur probleme të tilla më parë dhe nuk vuante nga ndonjë sëmundje kronike.
Mësuesja u detyrua të vaksinohej si kusht nga qeveria për të mbajtur vendin e punës. Gjatë videos e reja tregon edhe se njerëz të tjerë janë shtruar si ajo në spital pikërisht për shkak të efekteve anësore që iu ka dhënë vaksina “Pfizer”. “Nëse nuk do të nxirrja video prej këtu, s’do të më besonte njeri dhe as do ta merrte vesh njeri se çfarë kam pësuar nga “Pfizer”, e nis rrëfimin mësuesja 30-vjeçare.
Më tej ajo, bën thirrje që të gjithë njerëzit që kanë probleme nga vaksinimi të dalin e ta tregojnë këtë gjë. “Shpreh keqardhjen time për shtetin që më detyroi të vaksinohem”, shprehet më tej mësuesja.
