Mediat italiane kanë publikuar sot detaje te reja ne lidhje me shqiptarin Alban Haki Elezi, 38-vjeçari i cili u arrestua dhe me pas u dëbua nga Italia me akuzën se përhapte propagandën e ISIS dhe rekrutonte persona per xhihad.
Sot “Corriere della Sera” shkruan se ai ka pasur lidhje me kreun e Kalifatit të Shtetit Islamik, Abu Bakr al Baghdadi.
“Një xhihadist i dëbuar nga Breshia, lidhje me Al Baghdad”, e titullon shkrimin Corriere dhe tregon se emri i Alban Elezit është shfaqur në disa hetime të lidhura me Abu Bakr al Baghdadi.
“Ai është në shtëpinë e saj, në Shqipëri, me mjekrën gjithnjë e më e gjatë, me Kuranin në dorë. Ndonjëherë punon, por shumicën e kohës rri i mbyllur në shtëpi. Dhe pret. Pret që prokurori i Brescia ta ndjekë penalisht per akuzat e propagandes se xhihadit dhe rekrutimin per xhihad”, e nis shkrimin “Corriere”.
Elezi mendohet se ka patur kontakte të drejtpërdrejta në rrjet me Kalifin e Shtetit të vetëshpallur Islamik, terroristin me origjinë irakene, njeriun që me organizatën e tij të terroriste ka ngritur flamurin e zi të ISIS në një pëllëmbë tokë mes Irakut Veri-Perendimor, e Sirisë Lindorë, duke kërcënuar atentate në gjysmën e botës, vijon me tej artikulli i Corriere.
Ndërkohë që Alban Haki Elezi, i dëbuar nga Breshia më korrikt të 2015 gjëndet aktualisht në Shqipëri në pritje të nisjes së procesit gjyqësor ndaj tij.
Alban Elezi u arrestua në kuadër të operacioni Balkan Conection, por Gjykata e Apelit të Breshias e la të lirë në mungesë të fakteve që dëshmojnë lidhjet e tij me ISIS. Por pas lënies së tij të lirë, me urdhër të Ministrisë së Brendshme Italiane, Alban Eleszi, dëbohet nga Italia.
