Duka George Mikhailovich Romanov, një pasardhës i dinastisë mbretërore Romanov, e cila ka sunduar Rusinë deri në revolucionin bolshevik, është martuar ditën e djeshme në një ceremoni ekstravagante në ish-kryeqyetin perandorak Shën Petersburg.
Princ Leka ishte mes të ftuarve të nderit, i prezantuar nga mediat si “trashëgimtar pretendent i fronit mbretëror të Shqipërisë”.
Në ceremoninë dy-ditore, Duka George Mikhailovich Romanov, po martohet me të fejuarën italiane Vittoria Bettarini, e cila vitin e kaluar ndryshoi emrin në Vittoria Romanovna dhe u konvertua në fenë e Kishës ortodokse ruse.
Qindra të ftuar nga Rusia dhe bota kanë zbritur në qytet për të dëshmuar martesën e parë mbretërore prej më shumë se një shekulli në katedralet e Shën Petersburg.
“Kjo është shumë e rëndësishme për familjen,” tha dhëndri, që është bir i trashëgimtares të vetë-shpallur të fronit rus, dukeshës Maria e Rusisë.
