Ish-Kryeministri Sali Berisha ka nisur prej dy javësh një tur takimesh me anëtarësinë e PD, pas vendimit të kreut demokrat Lulzim Basha për përjashtimin nga Grupi Parlamentar.
Në krah të ish-kryeministrit Sali Berisha janë rreshtuar disa prej emrave të njohur në rradhët e demokratëve si Edi Paloka, Flamur Noka, Aldo Bumçi, Oerd Bylykbashi, ndërsa i fundit është Edmond Spaho, ish-n/kryetar i PD-së.
N/kryetari i grupit të PD-së, Ervin Salianji, ishte mjaft kritik me Spahon. I ftuar mbrëmjen e sotme në “ABC”, Salianji u shpreh se PD dhe Lulzim Basha i kanë gjithë gjithçka Edmond Spahos në 25 vite.
“Po pse Lulzim Basha u bë i keq këto dy javët e fundit? Po pse, sepse nuk dua, sepse unë e kam koleg, por çfarë do të shumë Mondi? Ka 25 vite deputet, ka qenë ministër i PD, ka qenë president i FSHF-së i bërë nga PD, nga Lulzim Basha ka qenë i bërë n/ kryetar Kuvendi dhe drejtues i grupit parlamentar. Por përgjegjësi nëse ka Basha apo nuk ka ky? Ka qenë drejtues politik në 2017 në një prej qarqeve me rezultatin më të dobët të PD.
Por si mundet, që përgjegjësi në mënyrë të drejtpërdrejtë… Se ju përgjigjem për të gjithë. Më pyetët për persona që nuk kanë minimumin e koherencës dhe nëse është përgjegjës Basha për disa vendime është edhe për këto. Unë kam dhënë dorëheqjen nga sekretari i grupit kur kam pasur qëndrime të ndryshme me Bashën, kam mbajtur qëndrime kundër në shumë raste në Kryesi, këta nuk kanë folur njëherë të vetme. Tani u bë i keq Basha për interesin personal?”.
Por kush këta? Këtu Salianji sulmoi edhe ish-n-kryetarët e PD-së në kohën e Berishës, Topallin dhe Patozin.
“Njerëz që kanë qenë ish-funksionarë të lartë në PD, kanë qenë edhe në parti të tjera politike, na kanë dalë edhe përballë. 8 vite nuk i kemi parë një ditë në parti, parti të ish-n-kryetarëve të partisë, të dyja partitë, që u dogjën sikur hynë, vetëm për t’i shërbyer Ramës.
Njerëz që i kanë shërbyer për të tentuar për të legjitimuar 30 qershorin për të hequr vota në zgjedhjet e 25 prillit. Apo ish-funksionarë që e kanë turpëruar PD-në si drejtues lokal si drejtorë. Vetëm interesin personal” tha ai.
