Një polic në Kaliforni është cilësuar hero, pasi arriti të shpëtojë jetën e një qytetari, duke rrezikuar veten. Sipas mediave ndërkombëtare, qytetari ndodhej brenda një makine që po digjej dhe kishte humbur ndjenjat. Në atë moment ka mbërritur polici Pedro Garcia, i cili nuk e mendoi dy herë, por luftoi për ta nxjerrë të gjallë.
Situata ishte shumë e rëndë, pasi zjarri kishte arritur brenda, duke i shkrirë këpucët qytetarit. Polici ka rrëfyer më pas ngjarjen, që sipas tij u njoftua nga disa kalimtarë. Nuk dihet gjendja aktuale e qytetarit dhe ende nuk dihet shkaku i zjarrit.
