RaYo Vallecano është një prej surprizave të këtij edicioni në La Liga spanjolle dhe Ivan Balliu është mes liderëve të ekipit.
Mbrojtësi shqiptar, për të cilin është sezoni i parë në elitën e futbollit iberik, u përfshi në formacionin më të mirë të javës së shtatë të kampionatit.
Asisti në golin e dytë të RaYo Vallecanos me Radamel Falcao ishte pika kulmore e një paraqitje të shkëlqyer.
Balliu është aktivizuar si titullar në të gjitha ndeshjet dhe është kthyer në pretendent për një vend në formacionin e kombëtares, në prag të sfidave me Hungarinë dhe Poloninë, në kualifikueset e Katar 2022.
