Nënkomisar Saimir Hoxha shpallet “Dëshmor i Atdheut”. Vendimi u bë publik nga ministri i Brendshëm, Bled Çuçi, sipas të cilit “Komisioni qëndror i statusit Dëshmor i Atdheut, ka nisur procedurat për shpalljen dëshmor i atdheut të Saimir Hoxhës”.
Nënkomisar Saimir Hoxha ishte pjesë e grupit të kontrollit të territorit, për evidentimin dhe asgjësimin e lëndëve narkotike.
Çuçi tha se autori i ngjarjes, Aldi Rama, një i ri i dënuar më herët në fushën e narkotikëve, u neutralizua pas disa orësh rrethim nga forcat speciale të policisë.
“Grupi i posaçëm hetimor, nën drejtimin e Prokurorisë po vijon hetimet intensive për zbardhjen dhe dokumentimin e gjithë detajeve të kësaj ngjarje të rëndë, që ka prekur dhe shokuar mbarë opinionin publik.
Komisioni Qendror i Statusit “Dëshmor i Atdheut” ka nisur procedurat për shpalljen e oficerit Saimir Hoxha, “Dëshmor i Atdheut” duke i garantuar familjes së tij të gjithë vëmendjen dhe mbështetjen e dhënë me ligj të posaçëm”, tha Çuçi.
