Në takimin për të diskutuar për Integrimin e Ballkanit Perëndimor në Bashkimin Europian, raportuesi për Shqipërinë në Parlamentin Europian, Knut Fleckenstein ka paraqitur një raport të mirë për Shqipërinë. Mirëpo, ai është ndalur tek ligji i medias për emërimin e Drejtorit të Transmetuesit Kombëtar. Pasi më herët në fjalën e tij ai përgëzoi median në peisazhin e diversitetit.
“Kam një problem për ligjin ndaj medias dhe emërimit e Drejtorit të Transmetuesit Kombëtar. Është ndryshuar ky ligj dhe kjo mund të rezultojë që të kapet politikisht në transmetuesin Kombëtar. Problem që e ka patur dhe Maqedonia”, tha Fleckenstein.
Në raportin e progresit për Shqipërinë Fleckenstein prezantoi dhe progresin e procesit të dekriminalizmit, i cili sipas tij është i dukshëm.
“Kam patur mbështetje lidhur me kompromise të ndryshme, p.sh. mungesa e mirëkuptimit politik. për sa i përket mbrojtjes së minoriteteve, Shqipëria ka treguar përparim. Nëse listojmë pakicat paragraf paspoaragrafi kjo do të sillte vështirësi. Ka patur disa ndryshime në pikëpamje lidhur me 17 kompromiset në kuadër të reformës në drejtësi, dialogut politik, lufta kundër krimit të organizuar, diskriminimit etj.
Kemi bashkëpunuar mes ODHIR dhe OSBE dhe procesi në BE ka qenë i rëndësishëm. Gjithashtu dhe Peisazhi i diversitetit të mëdias. Është për tu vlerësuar Lufta kundër ekstremizmit fetar.
Ka nuancë ndryshimesh në pikëpamjet se kemi arritur kompromisin dhe Shqipëria është në rrugën e duhur për integrimin në BE.
Vlerësoj ekulibrin në këtë raport dhe dua që ky raport të mbështetej. Ka qenë cështja kryesore ajo e raportit me gjyqësorin”, u shpreh Fleckenstein në raportin e tij për progresin e Shqipërisë.
