Në 24 orët e fundit në Kosovë janë regjistruar 5 viktima (dje 8 viktima) si pasojë e COVID-19.
Sipas raportimit më të fundit të Ministrisë së Shëndetësisë ka rënë numri i viktimave pasi ditën e djeshme 8 qytetarë që nuk arritën të fitonin betejën me virusin famëkeq.
Gjatë 24 orëve të fundit janë konfirmuar 77 raste të infektuara me këtë virus. Sot janë shëruar 696 qytetarë, kurse numri i përgjithshëm i të shëruarve është 152 mijë e 758.
Njoftimi i plotë:
26 Shtator 2021: Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon:
Në 24 orët e fundit janë dhënë 16.481 doza të vaksinës kundër COVID-19.
Prej fillimit të vaksinimit në të gjitha qytetet e Kosovës janë dhënë 1.274.156 doza të vaksinës.
Deri më sot 503.498 qytetarë janë vaksinuar me dozën e dytë.
Nga 4.322 testime, 77 qytetarë kanë rezultuar pozitiv me virusin COVID-19.
Gjatë 24 orëve të fundit, janë shënuar 5 raste të vdekjes.
Sot janë shëruar 696 qytetarë, derisa numri i përgjithshëm i të shëruarve është 152.758
Në total numri i rasteve aktive është 4.176
Mbani maskat!
Respektoni distancën!
Mbani higjienën!
