Elon Musk dhe Grimes janë ndarë pas 3 vitesh së bashku. Në një intervistë për Page Six, themeluesi i SpaceX dhe Tesla ka thënë se ai dhe këngëtarja kanadeze janë “gjysmë të ndarë”, por vazhdojnë të kenë marrdhënie të mirë dhe të kujdesen së bashku për djalin e tyre 1-vjeçar.
“Jemi gjysmë të ndarë por e duam ende njëri-tjetrin, shihemi shpesh dhe kemi marrdhënie shumë të mirë. Kjo vjen ngaqë puna ime me Tesla dhe SpaceX më kërkon të qëndroj në Teksas ose të udhëtoj, ndërsa puna e saj është e bazuar në LA. Ajo po qëndron me mua momentalisht dhe Baby X është në dhomën ngjitur,” ka thënë Musk.
