Ish¬Kryeministri Sali Berisha e ka cilësuar si veprim politik dhe antishqiptar arrestimin e Ramush Haradinajt në Francë.
Berisha u kërkon autoriteteve franceze që të mos bien në kurthin bizantin serb që synon destabilizimin e rajonit. Gjithashtu, Berisha i bën thirrje dhe Bashkimit Evropian që të ndërhyjë për të zgjidhur këtë qëndrim të Beogradit. Shkrimi i Berishës: Nje urdher arresti per Ramush Haradinajn, fund e krye politik dhe antishqiptar i xhelateve te Beogradit! Te dashur miq, dje autoritetet policore franceze ndaluan mbi bazen e nje urdher arresti politikisht te motivuar te xhelateve te Beogradit, ish kryeminstrin e Kosoves dhe kryetarin e AAK, komandantin dhe heroin e luftes çlirimtare te Kosoves, zotin Ramush Haradinaj. Duke denuar me ashpersine me te madhe kete mandat hakmarres primitiv te qarqeve raciste dhe albanofobe te Beogradit, u bej thirrje autoriteteve franceze te mos bien ne kurthet bizantine serbe qe punojne vetem per destabilizimin e rajonit, por te lirojne menjehere zotin Ramush Haradinaj pasi te gjitha akuzat e stisura te Beogradit jane hedhur poshte si fund e krye te pa verteta nga Gjykata Nderkombetare e Hages. Une gjithashtu i bej thirrje BE te nderhyje menjehere dhe te denoje kete qendrim destabilizues te Beogradit ne rajon! sb
