Tre subjekte janë gjobitur në Vlorë, Durrës dhe në Vorë të Tiranës për shkak të shfrytëzimit të inerteve. Inspektorati Shtetëror i Ujërave, ka gjobitur subjekteve nga 1 deri në 3 milionë lekë për ndotje të ndryshme.
Më konkretisht, në Vlorë, inspektorët e
ISHU-së kanë gjobitur me 2 milionë lekë kompaninë “Halili” sh.p.k, pasi nxirrte inerte nga Lumi i Vlorës pa leje përkatëse dhe nuk dispononte asnjë dokumentacion për këtë veprimtari.
Ndërkohë, ndaj kompanisë “Everest” në qytetin e Durrësit është vënë një gjobë prej 2 milionë lekë për veprimtari në brigje, pasi hidhte materiale inerte në bregun e detit.
Ndërsa masa e tretë është vendosur në Vorë, ndaj shoqërisë “Authoctonus”, për shkak të ndotjeve që krijonte në mjedis. ISHU e ka gjobitur kompaninë me 1 milion lekë gjobë. Shoqëria në fjalë, prodhuese e konfeksioneve, sipas konstatimit të inspektorëve, shkarkonte në një kanal vaditës ujërat me bojëra e ngjyrues, pa marrë asnjë masë për pastrimin e tyre.
Inspektorati Shtetëror i Urave njofton se aksioni do të vazhdojë pa ndërprerje në të gjithë bregdetin shqiptar, në të gjithë basenet e lumenjve dhe ku ka kantiere ndërtimi apo nyje inertesh për të parandaluar çdo abuzim, si dhe iu bën thirrje të gjitha kompaninë apo personave fizikë që ushtrojnë aktivitete, që të shmangin abuzimet. Në të kundërt, do të ndërmerren masa penalizuese ndaj tyre, pa asnjë tolerancë.