Modelja që dëshironte të shndërrohej në një kukull Barbie, Kery Miles, sulmoi punonjësit e spitalit ku kryente operacionet plastike pasi i kërkuan të largohej për shkak të rregullave të bllokimit, shkruan “The Sun”.
37-vjeçarja e cila ka shpenzuar 300,000 paund me operacione plastike për t’u shndërruar në kukull Barbie, shkoi në spital gjatë pandemisë pavarësisht se ishte e ndaluar. Kur një mjek i kërkoi të ndalonte sharjet ndaj stafit mjekësor, 37-vjeçarja e qëlloi me sendet që kishte pranë e më pas goditi një infermiere. Në fund, ajo hipi në Range Rover-in e saj dhe iu drejtua një pacienti teksa ngiste makinën.
Kerry do të dalë në gjyq sot në Gjykatën e Magjistraturës në Colchester pasi ajo mohoi sulmet.
Prokuroria Grace Court tha më parë në gjykatë se një nga punonjësit në Spitalin Broomfield, në Chelmsford, Essex, mbeti i plagosur nga sulmi dhe të tjerët “kishin frikë nga dhuna e mëtejshme”.
Grace tha: “E pandehura erdhi në spital kur ishin vendosur kufizimet nga pandemia dhe si rezultat i kësaj iu tha se nuk duhej të ishte atje në atë kohë. Miles pastaj mori disa sende dhe i hodhi mbi Dobson.”
Pas këtij incidenti, ajo goditi një punonjës tjetër në “lartësinë e gjoksit” dhe e rrëzoi tek një koleg.
