Organizata Botërore e Shëndetësisë konfirmoi në konferencën e fundit për shtyp se varianti Delta i koronavirusit tashmë është dominant në mbarë botën, duke ia kaluar të gjitha varianteve të tjera.
Sipas drejtueses teknike të OBSH, Maria Van Kerkhove, Delta vijon të ketë transmetueshmëri shumë të lartë, ndërkohë që nga variantet e tjera ka më pak se 1% të rasteve të reja.
“Më pak se 1% ka mbetur aktualisht në qarkullim nga variantet alfa, beta dhe gama. Është vërtet delta që dominon në të gjithë botën”, tha Van Kerkhove.
