Është gjetur në Kavajë makina e taksistit durrsak Faik Fezga. Mjeti është gjetur bosh dhe i përmbysur në një kanal në rrugën mes Kavajës dhe Rrogozhinës nga kalimtarë të rastit.
Siç bëhet e ditur nga policia, në mjet nuk ka pasur asnjë gjë, ndërsa kolegët e tij kanë bërë të ditur se ai ishte grabitur dhe dy herë të tjera më parë.
Familjarët denoncuar zhdukjen e taksistit një ditë më parë, kur që prej orës 18:45 minuta ai nuk ka komunikuar më me ta.
Menjëherë kanë nisur kërkimet për gjetjen e 50-vjeçarit, por fatkeqësisht deri më tani është gjetur vetëm makina e tij, ndërsa nuk ka asnjë gjurmë nga Fezga.
