Kryeministri Edi Rama është pozicionuar në rolin e një këshilltari në tensionet e fundit mes Kosovës dhe Serbisë për reciprocitetin e targave. Madje Rama i ka caktuar Kosovës, Serbisë dhe BE rolet që duhet të luajnë në këtë situatë të krijuar.
Në një postim në rrjetet sociale, Rama thekson se Kosova e ngre problemin me plotë të drejtë, ndërsa shton se duhet shmangur bumerangu i ngrirjes së konfliktit siç ndodhi me tarifën 100%.
Sipas Ramës, Kosova duhet të dialogojë, Serbia të bashkëpunojë dhe BE të ndërmjetësojë.
“Kosova e ngre problemin me plot të drejtë. Tani që problemi të zgjidhet dhe reciprociteti i targave të garantohet duhet shmangur bumerangu i ngrirjes së konfliktit në këtë pikë (siç ndodhi me tarifën 100%).Duhet që Kosova të dialogojë, Serbia të bashkëpunojë, BE të ndërmjetësojë,” shkruan Rama.
