Është mbyllur në barazim pa gola pjesa e parë mes Skënderbeut dhe Partizanit. Skuadra e drejtuar nga Ilir Daja është shfaqur më kërkuese duke pasur disa raste të mira shënimi.
Të kuqtë e nisën takimin në sulm ndërsa rasit i parë i rrezikshëm erdhi në minutën e 12-të. Goditje dënimi e Mustës në kufirin e zonës nga krahu i majtë, harkimi i tij është perfekt, por e tillë është edhe ndërhyrja e portierit Rexhepi i cili shmang golin e sigurt.
6 minuta më vonë Partizani ndërton një aksion të bukur nga e djathta, harkimi në zonë gjen Junior i cili pason te Cara, gjuajtja e këtij të fundit përfundon jashtë.
Në minutën e 37-të, Partizani nis një kundërsulm të shpejtë me dyshen Musta-Stenio Zhunior, ky i fundit provon të gjejë të papërgatitur Rexhepin nga rreth 30 metra por fluturon topin shumë lart mbi traversë.
Partizani rrezikon sërish 3 minuta më vonë, me anë të Cardosos, sulmuesi pason në qendër për Stenio Zhunior i cili gjuan në ecje e sipër në hyrje të zonës, por përsëri nuk gjen katërkëndorin e portës.
Ndërkohë nga ana tjetër, vendasit rrezikuan në minutën e 26-të me anë të dyshes Mara-Mensah. Ky i fundit në mënyrë perfekte merr në zonë një top të gjatë, por sulmuesi nuk koordinohet në momentin e gjuajtjes dhe sfera ndalet në krahët e Hoxhës.
https://streamable.com/ylj1bl
https://streamable.com/p4dymi
https://streamable.com/u1dqng
https://streamable.com/1pnfu8
