Reperja e famshme Nicki Minaj bëri pak ditë më parë një status në Twitter kundër vaksinës së Covid-19. Artistja shkruante se një mik i kushëririt të saj u bë impotent për shkak se u vaksinua e madje anuloi edhe dasmën.
Kjo deklaratë e Minaj mori edhe vëmendjen e zyrtarëve amerikanë. Pas komenteve negative ndaj vaksinës kundër Covid-19, reperja 38-vjeçare është ftuar në Shtëpinë e Bardhë për të diskutuar për efikasitetin dhe efektet e mundshme anësore. Pa hezituar, Nicki ka pranuar ftesën.
“Mendoj se është një hap në drejtimin e duhur. Po do të shkoj”, ka konfirmuar ajo përmes një statusi në Twitter, teksa ka theksuar ndër të tjera se do të vishet e gjitha me rozë si në filmin “Ligjërisht Bionde” për të nënkuptuar se do të flitet për biznes.
