Modelja e “OnlyFans”, Monica Huldt, me origjinë nga Suedia, u transferua në Shtetet e Bashkuara të Amerikës në vitin 2015, pasi u pushua nga shkolla ku punonte kur zbuluan se punonte si striptiste.
Ish-mësuesja e historisë shkoi në SHBA me para mjaftueshëm dhe për gjashtë muaj ajo punoi me orë të tëra në klube të rrezikshme, ndërsa priste që t’i dilte Green Card.
Monica, e cila tani fiton rreth 200 mijë dollarë në muaj, punonte shtatë ditë në javë dhe kur shkonte në shtëpi ishte “e rraskapitur”.
“Nuk mund të bëja asgjë tjetër se po prisja Green Card. Punoja në një klub striptizmi, që janë jashtëzakonisht të vështira. Mezi paguaja qiranë”, ka treguar 37-vjeçarja për “Jam Press”.
Pas disa muajsh, ajo u transferua në Los Angeles dhe priste që gjërat të ishin më mirë. Por për fat të keq, lufta vazhdoi. Monica e kishte të vështirë të merrte ndonjë punë dhe shëndeti i saj mendor po përkeqësohej.
Në vitin 2016 nisi të bëhej e njohur faqja për të rritur “OnlyFans”, e ndjekësit e saj në “Instagram” e pyesnin nëse e kishte menduar ndonjëherë të bëhej pjesë e saj. Monica-s i pëlqeu si ide dhe menjëherë bëri hapin e madh. Ajo ka treguar se si fitonte aq para me postimin e fotove, por gjithmonë duke preferuar sigurinë dhe kontrollin e saj.
“Ndihem aq e bekuar që jam këtu ku jam tani”, ka thënë 37-vjeçarja, e cila tani fiton mijëra dollarë në muaj.
