Walter Onichini, një tregtar nga Legnaro, u dënua me 4 vite e 11 muaj burg pas konfirmimit nga Gjykata Supreme e dënimit për tentativë vrasje ndaj një hajduti shqiptar.
Sipas mediave italiane, vendimi lidhet me një ngjarje të ndodhur në verën e vitit 2013 kur një hajdut me origjinë shqiptare hyri në shtëpinë e Onichini për të vjedhur një makinë, i cili reagoi duke e qëlluar në shpinë dhe duke e plagosur.
Por tregtari italian nuk u mjaftua me kaq, ai më pas e ngarkoi shqiptarin në makinën e tij dhe e braktisi në një fushë në fshat. Procesi që pasoi u bë një rast që ndau shoqërinë dhe politikën ku ndarja ishte mes faktit se ai pati të drejtën e vetëmbrojtes ndërkohë pjesa tjetër mendon se ai duhet të raportonte në polici.
Ndërkohë Gjykata Supreme konfirmoi vendimin e Gjykatës së Apelit, duke refuzuar kështu kërkesën e prokurorit publik i cili kishte kërkuar deklasifikimin e krimit nga tentativa e vrasjes në plagosje me faj.
